ਦੋਹੇ ....
ਤੁਰਦੇ ਰਹਿਣਾ ਜ਼ਿੰਦਗੀ, ਰੁਕਣਾ ਮੌਤ ਸਮਾਨ ।
ਮੰਜ਼ਿਲ ਮਿਲਦੀ ਚਲਦਿਆਂ, ਰੁਕ ਜਾਵੋ ਸ਼ਮਸ਼ਾਨ ।
ਨਾਲ ਸਲੀਕੇ ਰਹਿਣ ਤੇ, ਮਿਲਦਾ ਇੱਜ਼ਤ ਮਾਣ ।
ਮਿਹਨਤ ਕਰਕੇ ਜੱਗ ਤੇ, ਬਣਦੀ ਹੈ ਪਹਿਚਾਣ।
ਬੰਦਾ ਵੈਰ ਕਮਾਂਵਦਾ, ਅਜਕਲ ਬੰਦੇ ਨਾਲ਼ ।
ਕਿੱਦਾਂ ਕਿਸ ਨੂੰ ਲੁੱਟਣਾ, ਬੁਣਦਾ ਰਹਿੰਦਾ ਜਾਲ਼।
ਨਾ ਹੈ ਅਜਕਲ ਦੋਸਤੀ,ਨਾ ਹੀ ਅਜਕਲ ਪਿਆਰ।
ਮਤਲਬ ਪਿੱਛੇ ਚੱਲਦਾ, ਇਹ ਸਾਰਾ ਸੰਸਾਰ ।
ਦੁਸ਼ਮਣ ਖੁਸ਼ ਨੇ ਹੋਂਵਦੇ ,ਪਾ ਏਕੇ ਵਿਚ ਫੁੱਟ।
ਬੈਠ ਤਮਾਸ਼ਾ ਵੇਖਦੇ, ਘਰ ਵਿਚ ਤੀਲੀ ਸੁੱਟ।
ਉੱਠ ਸਮੇਂ ਤੇ ਬੰਦਿਆ, ਨੀਂਦਰ ਦਾ ਕਰ ਤਿਆਗ।
ਆਲਸ ਨੇ ਜੇ ਦੱਬਿਆ ,ਸੌਂ ਜਾਵਣਗੇ ਭਾਗ ।
ਕਿਸਮਤ ਨੂੰ ਪਲਟਾਉਣ ਵੀ ,ਹੁੰਦਾ ਅਪਣੇ ਹੱਥ ।
ਹਿੰਮਤ ਕਰ ਕੇ ਪਾ ਲਵੀਂ ,ਤੂੰ ਕਿਸਮਤ ਨੂੰ ਨੱਥ ।
ਬੱਬੂ ਸੈਣੀ 🌙
Comments
Post a Comment