ਸਫਾਈ ਅਭਿਆਨ

ਸਰੀਰ ਦਾ ਸੱਭ ਤੋਂ ਪਹਿਲਾ ਪੱਖ,

ਆਲੇ ਦੁਆਲੇ ਨਾ ਹੋਣ ਦੇਈਏ ਕੱਖ,

ਪਿੰਡੋਂ ਤੋਂ ਲੈ ਕੇ ਸਕੂਲ ਤੱਕ,

ਲਿਫਾਫੇ, ਗੰਦੇ ਮੰਦੇ ਦੇਈਏ ਚੱਕ,

ਕੂੜਾ ਸਾਰਾ ਪਾਈਏ ਵਿੱਚ ਕੂੜੇਦਾਨ,

ਆਜੋ ਤੁਹਾਨੂੰ ਦੇਈਏ ਗਿਆਨ,

ਸੁਰੂ ਕਰੀਏ ਸਫਾਈ ਅਭਿਆਨ,

ਖਾਣ ਤੋਂ ਪਹਿਲਾਂ ਧੋਈਏ ਹੱਥ,

ਰੋਗਾਂ ਨੂੰ ਫੇਰ ਜਾ ਪਵੇਗੀ ਨੱਥ,

ਬੀਮਾਰੀ ਦਾ ਹੁੱਣ ਖਾਤਮਾ ਹੋਜੂ,

ਕੀਟਾਣੂ ਸਾਰੇ ਮਰ ਕੇ ਸੋਜੂ,

ਬੁੱਢੇ ਵਰੇ ਵੀ ਹੋ ਜਾਣਗੇ ਜਵਾਨ,

ਆਜੋ ਤੁਹਾਨੂੰ ਦੇਈਏ ਗਿਆਨ,

ਸੁਰੂ ਕਰੀਏ ਸਫਾਈ ਅਭਿਆਨ,

ਪਾਣੀ ਵੀ ਹੈ ਅਣਮੁਲੀ ਦਾਤ,

ਮੇਰੀ ਏ ਵੀ ਸੁੱਣਲੋ ਤੁਸੀ ਬਾਤ,

ਤੁਸੀ ਨਾ ਪਿਉ ਗੰਦਾ ਪਾਣੀ,

ਰੋਗਾਂ ਤੋਂ ਜੇ ਜਾਨ ਬਚਾਣੀ,

ਘੜੇ ਦਾ ਪਾਣੀ ਅਮ੍ਰਿਤ ਸਮਾਨ,

ਆਜੋ ਤੁਹਾਨੂੰ ਦੇਈਏ ਗਿਆਨ,

ਸੁਰੂ ਕਰੀਏ ਸਫਾਈ ਅਭਿਆਨ,

ਉਚੀ ਰੱਖਿਉ ਆਪਣੀ ਸੋਚ,

ਖੁਲੀ ਥਾਂ ਤੇ ਨਾ ਜਾਇਉ ਸ਼ੌਚ,

ਬੀਮਾਰੀਆ ਨੂੰ ਦਿਉ ਰੋਕ,

ਘੱਟ ਹੀ ਪਿਉ ਲਿਮਕਾ ਕੌਕ,

ਟਾਈਲਟ ਘਰ ਲਈ ਵਰਦਾਨ,

ਆਜੋ ਤੁਹਾਨੂੰ ਦੇਈਏ ਗਿਆਨ,

ਸੁਰੂ ਕਰੀਏ ਸਫਾਈ ਅਭਿਆਨ,

ਆਉ ਰਲ ਕੇ ਖਾਈਏ ਸੌਹੁ,

ਆਲਾ ਦੁਆਲਾ ਸਾਡਾ ਥੌ,

ਸਫਾਈ ਪਹਿਲਾ ਰੱਬ ਦਾ ਨੋ,

ਮਾਣੋਗੇ ਤੁਸੀ ਆਰੋਗਤਾ ਦੀ ਛੋ,

ਇਸੇ ਵਿੱਚ ਹੈ ਸਾਡੀ ਸਾਨ,

ਆਜੋ ਤੁਹਾਨੂੰ ਦੇਈਏ ਗਿਆਨ,

ਸੁਰੂ ਕਰੀਏ ਸਫਾਈ ਅਭਿਆਨ,

ਲੇਖਕ ਗਗਨਦੀਪ ਸਿੰਘ ਵਿਰਦੀ(ਗੈਰੀ)

Comments

ਅਸ਼ਲੀਲਤਾ

ਚੋ ਪਾਸੇ ਤੋਂ ਦਰਵਾਜ਼ੇ ਖੁੱਲੇ ਹੈ ਏਕਤਾ ਦਾ ਪ੍ਰਤੀਕ, ਨੰਗੇ ਹੋ ਕੇ ਗੁਰੂ ਘਰ ਜਾਣਾ ਕੀ ਹੈ ਏਹ ਸਭ ਠੀਕ, ਜੇ ਕੋਈ ਰੋਕੇ ਥੌਨੂੰ ਤਾਂ ਤੁਸੀਂ ਕਰਦੇ ਹੋ ਬਹਿਸ, ਇਹੋ ਥੌਡੀ ਸੋਚ ਨੇ ਥੌਨੂੰ ਕਰਤਾ ਤਹਿਸ ਨਹਿਸ਼, ਭੁੱਲ ਗਈ ਮਰਿਆਦਾ ਥੌਨੂ ਨਾ ਰਿਹਾ ਕਿਸੇ ਦਾ ਡਰ, ਅਸ਼ਲੀਲਤਾ ਫੈਲਾ ਦਿੱਤੀ “ਗੁਰੂ ਰਾਮਦਾਸ” ਦੇ ਘਰ, Social Media ਤੇ ਬਹੁਤੇ ਭਖਦੇ ਮੁੱਦੇ ਮਿੰਟੋ Mint, Flag ਸੀ ਉਹ ਇਟਲੀ ਦਾ ਮੈਂ ਏਹ ਵੀ ਦਿੰਦਾ Hint, Tik Tok ਤਾਂ ਬੈਨ ਕਰਤੀ ਨਵਾ ਚੱਲਿਆ Trend, S G P C ਨੇ ਗਲਤ ਕੀਤਾ ਸੇਵਾਦਾਰ suspend, ਗੱਲ ਵੱਧਣੀ ਸੀ ਵਾਧੂ ਜੇ ਉਹਦੇ ਮੂੰਹ ਤੇ ਦਿੰਦਾ ਧਰ, ਅਸ਼ਲੀਲਤਾ ਫੈਲਾ ਦਿੱਤੀ “ਗੁਰੂ ਰਾਮਦਾਸ” ਦੇ ਘਰ, ਪਤਾ ਲੱਗਜੂ ਥੌਨੂ ਸਾਰਾ ਮਸਲਾ ਪੜੋ ਜਾ ਕੇ Tweet, ਸਿੱਖਾਂ ਨੂੰ ਬਦਨਾਮ ਨੇ ਕਰਦੇ ਏ ਦਿੰਦੇ ਵਾਧੂ Speech, ਕਹਿੰਦੇ ਏਹ ਅਸਲੀ ਨਹੀ ਜੇਹੜਾ Temple of Gold, ਗੱਲਾਂ ਐਵੇ ਦੀਆ ਹੋਰ ਵਾਧੂ ਪਰ ਹਾਂ ਕਰਦਾ ਮੈਂ Hold, ਮੱਸੇ ਰੰਗੜ ਵਰਗੇ ਹੋਗੇ ਹੁਣ ਇੱਥੇ ਨਾਰੀ ਅਤੇ ਨਰ, ਅਸ਼ਲੀਲਤਾ ਫੈਲਾ ਦਿੱਤੀ “ਗੁਰੂ ਰਾਮਦਾਸ” ਦੇ ਘਰ, ਲੇਖਕ ਗਗਨਦੀਪ ਸਿੰਘ ਵਿਰਦੀ(ਗੈਰੀ)

ਧੀ ਵੱਲੋ ਮਾਂ ਨਾਲ ਨਫਰਤ ਦਾ ਕਾਰਨ

ਧੀ ਵੱਲੋ ਮਾਂ ਨਾਲ ਨਫਰਤ ਦਾ ਕਾਰਨ ਅੱਜ ਜਮਾਨਾ ਬਹੁਤ ਬਦਲ ਗਿਆ ਹੈ ।ਹੁਣ ਰਿਸ਼ਤਿਆਂ ਵਿੱਚ ਪਹਿਲਾਂ ਵਾਲੀ ਗੱਲ ਨਹੀ ਰਹੀ ।ਪਹਿਲਾ ਵਾਂਗ ਹੁਣ ਮਿਠਾਸ ,ਸ਼ਹਿਣਸ਼ੀਲਤਾ ,ਆਪਣਾਪਣ ਨਹੀ ਰਿਹਾ । ਪਹਿਲਾਂ ਬੇਝਿਜਕ ਹੋ ਕੇ ਵੱਡੇ ਬਜੁਰਗ ਛੋਟੇ ਬੱਚਿਆਂ ਨੂੰ ਝਿੜਕ ਵੀ ਦਿੰਦੇ ਸਨ ਪਰ ਹੁਣ ਕੋਈ ਬੱਚਾ ਗੱਲ ਨਹੀ ਕਹਾਉਦਾ ਤੇ ਮਾਂ -ਬਾਪ ਵੀ ਕਹਿਣ ਤੋਂ ਝਿਜਕਦੇ ਹਨ। ਜਮਾਨੇ ਦੇ ਨਾਲ ਰਿਸ਼ਤੇ ਵੀ ਬਦਲ ਰਹੇ ਹਨ।ਹਰ ਰਿਸ਼ਤੇ ਵਿੱਚ ਅੱਜਕਲ ਥੋੜੀ ਬਹੁਤੀ ਨੋਕ ਝੋਕ ਨਾਲ ਅਣਬਣ ਰਹਿੰਦੀ ਹੈ ।ਅੱਜ ਮਾਂ-ਧੀ ਦੇ ਰਿਸ਼ਤੇ ਤੇ ਗੌਰ ਕਰਦੇ ਹਾਂ ਕਿ ਮਾਂ ਵੱਲੋ ਦਿਤੀਆ ਨਸੀਹਤਾਂ ਸਾਡੀ ਜਿੰਦਗੀ ਨੂੰ ਸੰਵਾਰ ਦਿੰਦੀਆਂ ਹਨ ,ਪਰ ਕਈ ਧੀਆਂ ਇੰਨਾਂ ਨਸੀਹਤਾਂ ਨੂੰ ਸਹਾਰਦੀਆਂ ਨਹੀ ਤੇ ਖਿਝ ਜਾਂਦੀਆਂ ਹਨ । ਕਈ ਮਾਮਲਿਆਂ ਵਿੱਚ ਧੀ ਨੂੰ ਮਾਂ ਉਦੋਂ ਬੁਰੀ ਲੱਗਦੀ ਹੈ ਜਦੋ ਉਹ ਦੂਜੇ ਬੱਚੇ ਦਾ ਵੱਧ ਮੋਹ ਕਰੇ ਤੇ ਜਦੋਂ ਮਾਂ ਮਤਰੇਈ ਹੋਵੇ ।ਪਰ ਇਹਨਾਂ ਤੋਂ ਇਲਾਵਾ ਵੀ ਕਈ ਬਹੁਤ ਹੋਰ ਵੀ ਕਾਰਨ ਹਨ ਜੋ ਮਾਂ - ਧੀ ਦੇ ਰਿਸ਼ਤੇ ਤੇ ਪਰਭਾਵ ਪਾਉਂਦੇ ਹਨ ।ਮਾਂ ਵੱਲੋਂ ਲਾਈਆਂ ਕੲਈ ਬੰਦਿਸ਼ਾਂ ਕਾਰਨ ਧੀ ਮਾਂ ਨੂੰ ਨਫਰਤ ਕਰਨ ਲੱਗ ਜਾਂਦੀ ਹੈ । ਮਾਂ-ਧੀ ਦਾ ਰਿਸ਼ਤਾ ਇਕ ਬਹੁਤ ਹੀ ਖੂਬਸੂਰਤ ਤੇ ਅਹਿਸਾਸ ਭਰਿਆ ਰਿਸ਼ਤਾ ਹੈ ।ਮਾਂ ਦਾ ਦਖਲ ਧੀ ਦੀ ਜਿੰਦਗੀ ਸੰਵਾਰ ਦਿੰਦਾ ਹੈ ।ਮਾਂ ਆਪਣੀ ਧੀ ਨੂੰ ਸਮਾਜ ਦੀਆਂ ਹਰ ਇਕ ਬੁਰੀਆਂ ਨਜਰਾਂ ਤੋਂ ਬਚ...

ਅਬੇਡਕਰ ਬੀਮ

ਅੱਜ ਮਾਣ ਕਰਦਾ ਜਿਹਦੇ ਉੱਤੇ ਸਾਡਾ ਸਾਰਾ ਵਤਨ, 14 ਅਪ੍ਰੈਲ 1891 ਈ: ਬੜੌਦਾ ਰਿਆਸਤ ਦੀ ਛਾਉਈ ਮਹੂ, ਮੱਧ ਪ੍ਰਦੇਸ਼ ਵਿੱਚ ਸੂਬੇਦਾਰ ਰਾਮ ਜੀ ਦਾਸ ਦੇ ਘਰ, ਮਾਤਾ ਭੀਮਾ ਬਾਈ ਦੀ ਕੁੱਖੋਂ ਜੰਮਿਆ ਇਕ ਵਿਸ਼ਵ ਰਤਨ, ਉਹ ਵਕਤ ਐਸਾ ਕਹਿਰ ਡਾਹ ਰਿਹਾ ਸੀ ਚਾਰ ਚੁਫੇਰੇ, ਛੂਤ ਛਾਤ, ਅੰਨਪੜਤਾ, ਅਗਿਆਨਤਾ ਦੇ ਸੀ ਛਾਏ ਹਨੇਰੇ, ਨਸ਼ਿਆ ਦਾ ਬੇਸ਼ੱਕ ਦੌਰ ਨਹੀ ਸੀ ਕੁੱਟ ਖਾ ਮਰਦੇ ਜੇਰੇ, ਫੇਰ ਦਲਿਤ ਹੋਣ ਦੇ ਬਾਵਜੂਦ ਤੁਸੀਂ ਪੜੇ ਲਿਖੇ ਬਥੇਰੇ, ਅਰਥ ਸ਼ਾਸਤਰੀ MA ਅਤੇ P.H.D ਕੀਤੀ ਅਮਰੀਕਾ ਤੋਂ, ਬੜਾ ਕੁਝ ਸੀ ਸੁਣਿਆ ਤੁਸਾਂ ਦਲਿਤਾਂ ਦੀਆ ਚੀਕਾਂ ਤੋਂ, “ਪੀਪਲਜ਼ ਐਜੂਕੇਸ਼ਨਲ ਸੁਸਾਇਟੀ” ਏਹ ਦੇਣ ਤੁਹਾਡੀ, “ਮੂਕ ਨਾਇਕ” ਤੇ “ਬਹਿਸ਼ਕ੍ਰਿਤ ਭਾਰਤ” ਨਹੀ ਰਹੇ ਫਾਡੀ, ਸਾਡਾ ਦੇਸ਼ ਅਜ਼ਾਦ ਹੋਇਆ ਬਣੇ ਤੁਸੀਂ ਕਾਨੂੰਨ ਮੰਤਰੀ, ਸੰਵਿਧਾਨ ਦੀ ਰਚਨਾ ਕੀਤੀ ਲਿਖਤੀ ਅਤੇ ਅਲਿਖਤੀ, ਅੱਜ ਓਹੀਓ ਸੰਵਿਧਾਨ ਦੀਆ ਧਜੀਆਂ ਉਡਾਵਦੇ, ਜੇਹੜੇ ਸੰਵਿਧਾਨ ਨੇ ਬਿਠਾਏ ਹੁਕਮਰਾਨ ਤਖ਼ਤੀ, ਲੇਖਕ ਗਗਨਦੀਪ ਸਿੰਘ ਵਿਰਦੀ(ਗੈਰੀ)

Punjabi Poems By Gerry ਮੇਰੀਆ ਚੌਣਵੀਆਂ ਕਵਿਤਾਵਾਂ

Search This Blog